تجيبي بطاطس حباتها تكون صغيرة وتقوريها
======================================
لحد ما تخلص معاكي الكميه كلها وما ترميش قلب البطاطس اللي خرج منها احتفظي بيه مع البطاطس في طبق فيه ميه .
======================================
خدي البطاطس المقوره وحمريها عادي زي ما بتحمري البطاطس الصوابع وخرجيها علي ورق علشان تشرب الزيت منها .
=====================================
حمري بصله في الصينيه اللي هتقدمي فيها وخدي البطاطس اللي خرجت من القلب حطيها علي البصل المحمر وشوحيهم شويه لحد ما البطاطس تدبل .
=====================================
حطي عليها مويه علشان تستوي وبعدين الطماطم وصلصة الطماطم ومعاها مكعب مرقه " ولو حبيتي تعمليها بالشوربه براحتك " وسيبيهم يغلوا مع بعض لحد ما البطاطس تدخل في السوي .
======================================
تجهزي اللحمه المعصجه ودي عبارة عن : بصله كبيرة محمرة في شوية زيت ذرة ولما تحمر تحطي اللحمه المفرومه وتقلبيها وتحطيلها شوية ميه بشويه ميه لما تتشرب لحد ما تستوي وبعدين تحطي عليها شوية ملح وفلفل وبهارات وزعتر وبعدين قطعي عليها شوية خضره " شبت وبقدونس وكسبره خضره " وقلبيهم كويس .
=======================================
احشي البطاطس باللحمه المفرومه
===============================
وبعدين خدي جزء من اللحمه المفرومه وحطيه علي صينية البطاطس
===================================
ولما يغلوا رصي حبات البطاطس وحطي شويه من الصوص الموجود عليهااللى موجود في صينية البطاطس
============================================
وسيبيهم يكملوا سوي علي النار مع تغطية الصينيه بصينيه اخري علشان تستوي بسرعه " وهي عمتاً مش هتاخد كتير علي النار علشان تقريبا كل حاجه مستويه لوحدها " وبعدين دخليها الشوايه علشان تتحمر بس من فوق
============================================
ماشاءالله متحمره وشكلها أممممم 00 ولا طعمها أمممممممممممممم .
موضوع: صينية البطاطس المحشيه باللحمه المفرومه 
الأربعاء يناير 26, 2011 11:29 pm